Velkomen til
Sunnmøre frilynde Ungdomssamlag!

Sunnmørsringen startar opp att for hausten  

Bunad- og Folkedraktrådet har siste åra gjort draktregistreringar på Sunnmøre, i Fjørå (Norddal-Valldal), på Dimna og i Volda-Ørsta. Dei har funne mykje interessant draktmateriale frå desse bygdene. No planlegg dei ny tur til våre trakter.

Dette blir i veke 35, i månadsskiftet august/september.
Denne gongen vil dei gjerne besøke bygdene Ørskog, Stordal, Sykkylven og Stranda/Hellesylt.

Les meir her...

Tippar du? 

Sunnmørsring-øving i Stordal 10. april

Årsmøtet 2010 i Barstadvika 20. mars 2010
Årsmøtet i Sunnmøre frilynde Ungdomssamlag vart i år halde laurdag 20. mars på ungdomshuset Samhald, Barstadvika. UL Bard var lokal tilskipar for møtet.

23 personar deltok på årsmøtet.
I tillegg til vanlege årsmøtesaker, vart Aktivitetsprisen utdelt. Den gjekk i år til Perry Bjørke frå Bjørke. Han fekk prisen for den gode innsatsen han har gjort for Skjåstaddalen UL gjennom mange år. Leiar i SFU, Arnstein Sæthre delte ut prisen.

Janne Kvamme vart vald til ny leiar i Sunnmøre frilynde Ungdomssamlag, etter at Arnstein Sæthre sa frå seg attval.

Fullstendig referat frå årsmøtet er no klart, og du kan lese det her: referat årsmøte 2010

 

Vart du for sein med å skaffe deg Jul på Sunnmøre i år? Ta gjerne kontakt med Skrivarstova i Ørsta om du vil få bladet tilsendt, på tlf. 70 06 73 30 eller epost: post@sful.no

Vi har og tidlegare utgåver av bladet på lager, dei aller fleste årgangane heilt tilbake til første utgåva i 1967. Bladet inneheld lokalhistoriske og aktuelle artiklar frå Sunnmøre. 2009-utgåva kostar kr. 50, medan du får tidlegare utgåver til redusert pris.
 

Sunnmørsringen

Laurdag 21. november var dato for årets siste øving i Sunnmørsringen. Øvinga vart halden i Barstadvika, med UL Bard som lokal tilskipar. Kåre Gausnes instruktør og Magnus Skjerdal var spelemann.
 

Litteraturprisen "Sunnmørsprisen" gjekk i år til forfattaren Lars Petter Sveen. Han debuterte i fjor med novellesamlinga Køyre frå Fræna, på Aschehoug forlag. Måndag 26. oktober vart prisen utdelt. Tilskipinga var eit samarbeid med Volda Mållag og studentveka i Volda, og utdelinga skjedde på kafeteriaen til Mylneriet.
Sunnmørsprisen er ein litteraturpris som kvart år vert utdelt til ei av dei beste nynorske bøkene frå året før. Nynorske bøker av forfattarar frå heile landet og bøker innan ulike sjangrar vert vurdert. Prisen vart første gong utdelt i 1953, og den er på kr. 10 000,- og ein diplom.

Les meir om forfattaren og boka her...
 

Springarkurs i Sunnmørsringen - Ålesund 24. oktober

Sunnmørsringen heldt sprigarkurs laurdag 24. oktober i Ålesund. Live Karin Liaskar og Solveig Bjørneset var instruktørar, og spelarar frå UL Ivar Aasen sytte for god springartakt til kurset. Kurset hadde god oppslutnad, kring 50 personar deltok.
Tidlegare i haust har Sunnmørsringen hatt ei øving til, og denne vart halden på ungdomshuset Fagerheim på Skodje 5. september.
 

Bunadnemnda stiller med kursleiar, Inger-Elin Rønnestad Mork og medhjelpar.

Les meir her...
 

Norske kulturbygg (tidlegare Norske Lagsbruk) har skipa til huskurs for ungdomslaga i Møre og Romsdal. Ansvarlege for kurset var fylkeslaga Romsdal Ungdomssamlag, Nordmøre UL og Sunnmøre frilynde Ungdomssamlag i samarbeid med Norske kulturbygg. Kurset vert halde på det nye ungdomshuset i Malmefjord, med Sylte og Malme UL som lokal tilskipar.
 

Sunnmøre frilynde Ungdomssamlag heldt storkurs for ungdomslaga på Sunnmøre og andre interesserte laurdag 26. september. Kursstaden var Fiskå ungdomshus og Fiskå skule, og Fiskå frilynde UL stod for det praktiske med kurset. 
Storkurset kunne tilby 3 ulike kurs, teaterkurs/ kurs i improvisasjon og teatersport, dj-kurs og kurs i tilskotsordningar, og alle kursa vart gjennomførte med god deltaking.
 

Barnestemne på Rogne 2009

Helga 18.-20. september vart det skipa til barnestemne for 2009. Det vart halde på Rogne, med UL Fram som tilskiparlag. Stemnet hadde i år rekorddeltaking samanlikna med stemna dei siste åra, og kring 150 born var samla til dans, aktivitetar og moro. I tillegg deltok 30 vaksne leiarar og foreldre. Deltakarane kom frå Hellesylt, Sykkylven, Vatne, Volda og Ålesund.
UL Fram gjorde ei flott innsats med gjennomføringa av stemnet.

 

Sunnmørsringen deltek i år på det nordiske stemnet Nordleik, som vert halde i Lahti, Finland. Gruppa tel 35 folkedansarar frå Volda, Ørsta, Stordal og Sykkylven, Liabygda og Bryggja i Nordfjord som reiser på den 8 dager lange turen frå 30. juni – 8. juli.
Totalt er om lag 2000 dansarar og spelemenn venta å kome til stemnet, og av desse er kring 300 frå norske folkedanslag, leikarrringar og ungdomslag frå heile Noreg. I tillegg til Sunnmørsringen er også 17 deltakarar frå BUL Molde påmelde.

Programmet under Nordleik inneheld dansekurs, danseframsyningar, konsertar, turar og andre aktivitetar. Eitt av høgdepunkta under stemnet vert opptoget på laurdagen, der deltakarane frå alle dei nordiske landa stiller med bunader og faner. Det er også sett opp eit felles danseprogram med eit utval av dansar frå kvart av dei nordiske landa, som deltakarane har øvd inn på førehand, og som vert framført under stemnet.

Turen vert skipa til av Sunnmøre frilynde Ungdomssamlag/ Sunnmørsringen.
Reidun Hunnes og Svein Arnesen frå Volda frilynde UL er reiseleiarar.
 

1. mai kvart år er fristen for å søkje på Frifondmidlar. Frifond er ein stønadsordning gjennom Noregs Ungdomslag, og aktivitetar med deltakarar under 26 år kan søkje om midlar frå ordninga.

Du kan lese meir om ordninga og kriteriane for å søkje her: http://www.ungdomslag.no/index.php?meny=13-

Søknadsskjema kan du laste ned her: søknadsskjema 2009.

 

Instruktørkurs i folkedans

SFU skipa til instruktørkurs laurdag 25. april i samarbeid med Volda UL.
Kurset vart halde på Mork ungdomshus, og 8 deltakarar deltok.
Live Karin Liaskar var instruktør på kurset.
 
Kurset hadde barne- og ungdomsarbeid som tema, og tok opp bl.a. metodikk, bruk av instruksjonsbøker og innøving av nye dansar.

 

Årsmøtet vart i år halde på Hellesylt laurdag 21. mars, med Hellesylt UL som lokal tilskipar. Totalt 23 personar deltok på møtet, av dei var 18 utsendingar frå 9 lag.

Referat frå årsmøtet kan du lese her.
 
Aktivitetsprisen til Astrid Romundstad Ringdal
Under årsmøtet sist helg fekk Astrid R. Ringdal tildelt Aktivitetsprisen for 2008.
Ringdal fekk prisen for den store innsatsen hennar gjennom mange år for barnegruppa lagsarbeid i Hellesylt Ungdomslag. Barnegruppa starta opp for 20 år sidan, og Ringdal har heile tida vore primus motor for den. Prisen er på kr. 10 000,- og ein diplom.

 

Teaterkurs med Beate Eriksen 

Helga 6.-8.mars vart det halde kurs i Hovdebygda med Beate Eriksen som instruktør. Dette vart 3. gongen at ho kom til Ørsta og heldt kurs. Lokal tilskipar var Hovdebygda UL. Deltakarane kom frå ulike lag i Volda og Ørsta, og dei var godt fornøgd med kurset.

 

Parhalling-kurs i Sykkylven

Laurdag 7.mars heldt Sunnmørsringen kurs i parhalling på Sykkylven kulturhus.
Instruktørar var Mari Andrea Ness og Atle Hoff, begge frå Viksdalen i Sunnfjord. Nærare 50 deltakarar var med på kurset, og av dei var det fleire ungdomar som deltok, både frå Sykkylven, Hellesylt og Ålesund. Der var og deltakarar frå Volda og Ørsta.

 

Snu Nordvest-samling i Volda

Ungdomsringen Snu Nordvest hadde samling i Volda 27. februar-1.mars.
Rundt 20 ungdommer var samlet på Mork grendehus denne helga, og denne gongen var det dei lokale dansane frå Sunnmøre som var i fokus. Live Karin Liaskar lærte deltakarane springar frå Søre Sunnmøre, polka med støyt og masurka. Det vart ei lærerik og spennende helg med mykje dansing!
På laurdagskvelden var vi så heldige å få besøk av spelemennene Jorunn Marie Kvernberg og Jan Beitohaugen Granli som spelte til dans. Det vart seine kveldar med spørjekonkurranse, song, dans og moro. Søndag såg mange av deltakarane førestillinga ”Den vesle prinsen” i Aasentunet i Ørsta. Førestillinga nyttar både folkedans og folkemusikk, noko som passa utmerket!
Alle var einige om at førestillingen var veldig bra, og at heile helga hadde vore lærerik og god! No er det fylkeskappleiken i Fosnavåg neste, der skal vi stille i lagdans senior.


 

Snu Nordvest-samling på Hellesylt

Dans, spill, lek og latter var det mye av da Ungdomsringen Snu Nordvest (Møre og Romsdal) hadde sin første samling etter sommeren. Den 10.-12. oktober var det samlet ca. 40 ungdommer i Synnylven samfunnshus på Hellesylt på Sunnmøre.

Les meir om samlinga her: Snu Nordvest på Hellesylt

Vil du sjå bilete frå samlinga? Sjå her: bilete 1   bilete 2   bilete 3   bilete 4    
 

Ny aktivitetsleiar

Skrivarstova hadde i september 2008 skifte av aktivitetsleiar.
Elin Kjalnes som har vore tilsett siste året slutta, og er i staden blitt student i Volda. Liv Fridtun, som har vore tilsett tidlegare kom attende i stillinga etter eit års permisjon. Ho vil framover jobbe i 80 % stilling.

Kontoret til SFU er ope alle dagar unntatt måndagar kl. 09.00 - 15.30

Har de meldingar om stort eller smått av nyhende i ungdomslaga, så ta gjerne kontakt, tlf. 70 06 73 30. ___________________________
 

Bunadskurs

Bunadnemnda på Sunnmøre har gleda av å skipe til kurs i  kvinnebunad frå Sunnmøre. Rekonstruert etter gamle folkedrakter frå ca. 1850.

Deltakarane vil få info om historikken til bunadane og lære dei  gamle saumteknikkane som til dømes spilesaum og prikkesting.

Kursstart:  uke 36
Stad: Kantina på Valldal trevarefabrikk (på Sula, like ved Vegsundbroa)
Dag : Torsdagar
Tid: kl 18.00 – 20.30 (tida kan tilpassast)
Varigheit: 12 gonger
Lærar: Inger Elin Mork
Pris:  kr 1.000,-

Påmelding til: Åshild Ytredal Liaskar, tlf. 70076068 eller mobil: 95221417. E-post: aashildy@hotmail.com

Påmeldingsfrist: 14. august 2008

Deltakarantal: 8 stk

 

Barnestemne i VOLDA 13.-15. juni 2008

No er vel egentleg fristen for å melde seg på ute, men eg er heilt sikker på at om du vil så er det berre å ringe.

Dette blir ei helg med mykje moro, der ein også kan finne nye venner, eller kanskje møte venner som ein ikkje har sett sidan barnestemnet i fjor.

Rundtur med båt

Søndag 1. juni blir det rundtur med båt, bl.a. til Runde.

Vil du melde deg på gjer du dette til Karl Fredrik Blindheim.
Prisen er kr 200.- for turen og kr 100,- for mat. Dette blir heilt sikkert ein kjempeflott tur med flott natur.
For meir informasjon ring Karl Fredrik tlf 917 44 733, eller tlf 928 26 302.

Skund deg å meld deg på, plutseleg er det fullt.

Øving Sunnmørsringen 2008

Laurdag 19. april blir det øving i Sykkylven.
Lokalet som blir brukt er Odd Fellow Bygget på Straumegjerde. Det er same plassen som det var sist det var øving i Sykkylven.

Pris kr. 150,- pr pers. Det starter kl. 11.00 og held på til kl. 16:00.
Håper mange har anledning til å ta turen. Siste frist for påmelding er torsdag 17. april.

Du kan melde deg på til Sunnmøre frilynde Ungdomssamlag
på tlf. 70 06 73 30, mob nr 952 86 272  eller email til post@sful.no.

Øving Sunnmørsringen :-)

Laurdag 19. april er siste øvinga for sommaren. Dette skjer i Odd Fellow bygget på Straumegjerde, håper mange har anledning til å møte.

Det vil kome meir info etterkvart.

VARTDALSREVYEN 08

E`DET ANNJA Å VENTE...

Denne er det verdt å få med seg.

Ledige billettar, framsyning: tysdag 4. mars, fredag 7. mars og søndag 9. mars. Billettpris kr. 150,- for vaksne og kr. 50,- for barn.
For bestilling av billettar: ring Elin på tlf 97715945, eller Gunn på tlf 97601620, mellom klokka 18:00-22:00.

PS! framsyninga startar klokka 20:00 presis.

Øving Sunnmørsringen

UL Ivar Aasen

Arrangerer Skotårsfest 29. februar 2008 kl. 19.30 i S.Bullsgt. 4.

Det vert servering av mat og lett underhaldning.
Dans: turdans og songdans. Alt dette for kun kr. 150,-

Påmelding innan 22. februar til:

Hilde Johanne 95762476
Bjarne 91880618, eller bjarne.breivik@online.no

Jan Ove 90779465      Grethe 45052671        Bjørg 95142954

Årsmøte i SFU for 2008

Dette vert halde i Ivar Aasen lokala laurdag 5. april 2008.
Kjem tilbake med meir info seinare.

Barnestemne 2008

13.-15. juni 2008 har Volda frilynde Ungdomslag teke på seg å arrangere Barnestemne, så då kan de krysse av i kalenderen.
Kjem tilbake med meir informasjon seinare.

Øving Sunnmørsringen

Laurdag 26. jan.2008, er første øvinga i år, dette skjer i Stordal.

Vi held til i Grendasalen i Stordalshallen. Det startar klokka 11.00 som vanlig og vi held på til klokka 16.00. Prisen er kr. 150,- pr.pers.

Påmelding seinast tysdag 22. januar. Ring eller send epost.
Tlf er som før 70 06 73 30, mail er post@sful.no.

Storkurset i TUF på Finnsnes hotell helga 15.-17.februar.

Det tilbys følgende kurs:
-          dansekurs i nordnorske folkedanser, ”Nordnorsk øyhopping”
-          barne-og ungdomsinstruktørkurs/Leik og læring
-          kurs for bunad-og husflidsinteresserte

Påmeldingsfrist er fredag 1.februar.  Bli med!!

Hilsen Birgitte, mob: 970 54 142

Sunnmørsringen :-)

Laurdag 26. januar må de sette av dagen. Da startar vi på igjen med øvingane, dette skjer i Stordalen.

Påmeldingsfrist er seinast måndag 21.januar. Eg vil kome tilbake med meir informasjon i løpet av neste veke. Men hugs å sette av denne dagen.

Velkommen til BARNLEK 2008!

2.-6.juli vert det arrangert Barnlek i Porsgrunn, dette er eit tilbud til alle barn i Norge, det vert arrangert kvart tredje år. Det kjem born frå Noreg, Danmark, Finland, Island, Sverige, Færøyane, Grønland og Åland. Noregs Ungdomslag er nasjonal vertnasjon.

Påmeldingsfristen er innan fredag 7. mars 2008.

For meir informasjon WWW.barnlek2008.no  eller www.ungdomslag.no
 

Romjulsdans hjå UL Ivar Aasen:-)

Fredag 28.12.2007 vert det romjulsdans hjå UL Ivar Aasen frå klokka 19:30. Bilettpris er Kr 100,- dette er inkludert Brennsnut. Det vert og sal av kaffi og kaker, sjå annonse i Sunnmørsposten onsdag 19. desember.

Lokallaga har høve til å sende inn forslag til prisvinnarar innan 31 desember kvart år, styret innstiller kandidat/kandidatar ut ifrå dei innkomne forslaga frå lokallaga innan 31 januar, Generalforsamlinga for Sunnmørsstovene AS vedtek endelig kven prisen skal gå til.

Prisen er på totalt 10 000 kr og ein diplom.

Den kan gå til medlemslag eller enkeltpersonar. To vinnarar kan dele prisen samme år.

Har du spørsmål eller treng å vite litt meir ta kontakt!

No kjem ho: Beate Eriksen

Fredag 11. januar og laurdag 12. januar 2008 på Ervingen i Hovdebygda.

Ho vil halde eit nytt kurs for oss denne helga, for oss som deltok på kurset sist, veit att dette blir kjempe kjekt, Beate Eriksen er eit Fyrverkeri, å utruleg artig å jobbe att med, so viss du ikkje vil gå glipp av eit framifrå kurs melder du deg på.....

Kursavgift kr 500.-

Det startar fredag klokka 18:00 til ca 21:00. Laurdag 11:00 - ca 18:00. Det vil bli enkel matservering. For meir informasjon eller påmelding ring         70 06 73 30 eller mobil nr 952 86 272. Eller du kan sende ein epost om du vil post@sful.no Siste frist for påmelding er 2. januar,

 Å sist men ikkje minst Mads Ryste vil også være med under heile kurset, så det er ingen grunn for å sitte heime.

Revy-samling på BUL-hytta 25.-27. januar 2008

Denne helga blir det REVY seminar i regi av NORDMØRE ungdomslag, leiarar av seminare blir, Reidun Flatøy og Trygve Stavik.

For meir innformasjon ta kontakt med: Nordmøre Ungdomslag, postboks 235, 6501 Kristiansund, tlf 71 67 23 98.
 

Til danselystne, Ørsta og Volda Folkedanslag ønskjer alle velkomne på Nyttårssoare.

Dette skjer på Ørsta Kulturhus laurdag 5. januar 2008 kl 19:00. Det er variert program, mat, kaffi og utlodning før dansen tek til ca klokka 21:00, fem spelemannslag frå distriktet vårt og frå Nordfjord syter for dansemusikken.

Noko du lurer på...?? Ta kontakt med leiar Selmar Halsen, tlf. 700 67562  eller mobil nr. 900 96673.

Andre helga i januar ser det ut til att Beate kjem til oss igjen.

Det er mange som har etterlyst henne, og no har vi endeleg fått det til, dvs merk av datoene 12. og 13. januar allereie no, det vil kome meir informasjon ganske snart. Vi som var på det første kurset veit at dette blir skikkelig kjekt. Med masse moro å alvor, Mads Ryste vil hjelpe henne slik han gjorde sist...

Så inntil videre husk å kryss av datoen med en gang, slik at du er klar.

På grunn av noe ombygging måtte vi flytte øvingen, så da vart det Odd Fellow bygget i Straumegjerde, det er der som Straumen kro holder til, i 3. etasje. Håper mange har anledning til å kome.

Det starter klokken 11.00 pris er kr 150,- pr pers. Å vi holder på til klokken 16:00. Håper mange har anledning til å ta turen, siste frist for påmelding er torsdag 22. november. 

Instruktører: Åshild Ytredal Liaskar og Reidun Hunnes

Spelemann/dame: Mona Fiskerstrand.

Ring eller send epost. tlf er som før 70 06 73 30
 

Eit tips til alle som likar revy, no er den i gang igjen, og som vanleg er det verdt å få med seg, for dette er det alle snakkar om dei nærmaste dagane.....  Les i Møre-Nytt om billettar....

Spring og sjå!!!!!!!!!!
 

Kontingent-satsar for 2007
Lagskontingenten i Noregs Ungdomslag er kr. 2300,- for lag med t.o.m. 20 medlemar.
Laga betaler 200,- i tillegg pr. medlem frå medlem frå nr. 21 og oppover.
1/2 kontingent for medlemar under 26 år.

Medlemskontingenten i SFU for lokallaga er sett til 10 % av kontingenten til NU.
Det er høve til å vere medlem direkte i Sunnmøre frilynde Ungdomssamlag utan å vere tilknytta eit lokallag. Ta gjerne kontakt om du er interessert i det.